آخر تحديث :الأربعاء-29 مايو 2024-11:03م

ادب وشعر


أعمى يقود مجنون

أعمى يقود مجنون

الثلاثاء - 08 يناير 2019 - 11:25 ص بتوقيت عدن

- تحديث/ خاص:عبد القادر زين:


( أهل السلا في سلاهم
وهل العبادة يصلون ) 《 مقتبس》

وأصحاب ليلى بهواهم

كلن لليلى يغنون

حلفت ما اجلس معاهم

مادام بليلى يحشون

ويش الذي صار فيهم

بليلى يبيعون ويشرون

ما عاد بامشي وراهم

ذي هم لليلى يسبون

كم قززتني صورهم

لما بريهم بيبكون

من بعد ما راح منهم

شيطانهم ذي يحبون

شر البلية تجيهم

من بعد سكرة بيصحون

بيقضوا الليل يهذون

والفجر ما شي يصلون

كيف بأسهر معاهم

ذي مالهم خط يمشون

ولا اقول الله وياهم

ذي ما دروا وين يمسون

الذئب يعوي عليهم

مثل الغنم ذي يبرعون

وقت العوافي تراهم

مثل الذيابه يجولون

ووقت ما انت تبيهم

مثل العليلة يأنون

الوقت هذا يبيهم

يتبلطجوا كيف يشتون

ليلى لعا تفوضيهم

الصبر يا فن لفنون

يكفي كفى تتركيهم

أعمى يقاود المجنون

يا روح روحي دعيهم

يا ورد كاذي وحنون

ولا اقول لا تسامحيهم

يمكن لصدرش يحنون

بس بالعصاء تجلديهم

يمكن عسى بايتوبون